მკურნალობა ამსუბუქებს გამწვავებებს, რა დროსაც მოულოდნელად ჩნდება ან უარესდება სიმპტომები და გრძელდება 24 საათი ან მეტი. რიგ შემთხვევებში, გამწვავებები შესაძლოა მკურნალობის გარეშეც შემსუბუქდეს. 

კორტიკოსტეროიდები

ჰორმონები, რომლებიც მოქმედებს იმუნურ სისტემაზე და ამცირებს ანთებას

არსებობს სიმპტომების მართვის რამოდენიმე გზა და თქვენ დაგჭირდებათ მისი ინდივიდუალურად შერჩევა. 

სიმპტომების მართვა მოიცავს: სპეციფიურ სავარჯიშოებს, დიეტას, ცხოვრების წესის მოდიფიცირებას და სხვა.

თქვენმა ნევროლოგმა, შესაძლოა დამატებით შემოგთავაზოთ:

• ოკუპაციური თერაპია
• ფიზიოთერაპია
• მეტყველების თერაპია
• ფსიქოლოგის დახმარება

 

ოკუპაციური თერაპია

ოკუპაციური თერაპია, გაძლევთ საშუალებას დაგეგმოთ თქვენი ყოველდღიური აქტივობები, ასევე, გასწავლით, თუ როგორ გაუმკლავდეთ სიმპტომებს (დაბუჟება, ტრემორი), რათა მათ ნაკლები გავლენა მოახდინონ თქვენს ცხოვრებაზე. 

ფიზიოთერაპია

თუ გქონიათ შეტევა (რეციდივი) ან გიგრძელდებათ სიმპტომები, ფიზიოთერაპია დაგეხმარებათ, რადგან ის მოიცავს ფიზიკურ აქტივობებსა და ვარჯიშებს, რომლებიც ეხმარება სპეციფიური სიმპტომების მართვას, როგორიცაა მოძრაობის შეზღუდვა და კუნთების სპაზმი, ასევე, საერთო ფიზიკური მდგომარეობის შენარჩუნებას. 

მეტყველების თერაპია

თუ გაქვთ მეტყველებასთან ან ყლაპვასთან დაკავშირებული პრობლემები, მეტყველებისა და ენის თერაპევტი, შესაძლოა დაგეხმაროთ სიმპტომების შემსუბუქებაში. ისინი შეგასწავლიან სუნთქვისა და კუნთების სავარჯიშოებს, რომლებიც დაგეხმარებათ მეტყველებისა და ყლაპვის გაუმჯობესებაში.

 

ფსიქოლოგის დახმარება

ფსიქოლოგიური დახმარება გასწავლით, თუ როგორ მართოთ მენტალური ჯანმრთელობის ისეთი პრობლემები, როგორიცაა დეპრესია, შფოთვა. „მეტყველების თერაპია“ დაგეხმარებათ, გარკვეულ სიტუაციებში, პოზიტიური განწყობის შენარჩუნებაში, გაიუმჯობესოთ თქვენი მენტალური მდგომარეობა და გახდეთ რეზისტენტული გაფანტული სკლეროზის გავლენის მიმართ თქვენს ცხოვრებაზე.

წაიკითხეთ მეტი ფსიქოლოგიური დახმარების შესახებ მენტალური ჯანმრთელობის გვერდზე

დაავადების მამოდიფიცირებელი თერაპია მოქმედებს იმუნურ სისტემაზე. მიუხედავად იმისა, რომ დაავადების მამოდიფიცირებელი თერაპია ვერ ახდენს უკვე დაზიანებული ნერვული უჯრედების აღდგენას, მას შეუძლია დაავადების პროგრესირების შენელება და გამწვავებების (რეციდივების) შემცირება.  

დღესდღეობით არსებობს დაავადების მამოდიფიცირებელი თერაპიული საშუალებები, რომლებიც განსხვავდება მოქმედების მექანიზმით, გვერდითი მოვლენებით, მიღების წესითა და თანმდევი აუცილებელი კვლევებით.

 

მნიშვნელოვანია, მკურნალ ექიმთან განიხილოთ რომელი მედიკამენტი არის თქვენთვის მეტად მისაღები, მიღების ფორმასთან ერთად, ასევე, გასათვალისწინებელია თერაპიის შესაძლო გვერდითი მოვლენები. მეტი ინფორმაციისთვის, გაესაუბრეთ თქვენს მკურნალ ექიმს და გაეცანით პაციენტის ბროშურას,  თითოეულ მედიკამენტთან დაკავშირებით. 

 

‡ მკურნალობის დაწყება და შემდგომი მართვა უნდა მოხდეს ექიმის მეთვალყურეობის ქვეშ, რომელსაც აქვს გაფანტული სკლეროზის მკურნალობის გამოცდილება.