E di që është e vështirë, veçanërisht nëse nuk ju pëlqejnë gjilpërat, por përpiquni të relaksoheni sa më shumë, pasi kjo do t’ju ndihmojë. Përpiquni të fokusoheni në diçka tjetër. Për shembull, mbani ndonjë send nëpër duar ose kërkojini ndonjë familjari ose miku që t’ju flasë dhe t’ju mbajë të shpërqendruar.
Punksioni lumbar njihet si një nga procedurat më të dhimbshme, por për mua nuk ishte i dhimbshëm por thjesht i sikletshëm. Fakti që e dija se ishte diçka e domosdoshme dhe e dobishme për mua në planin afatgjatë ma bëri më të lehtë.
Unë në të vërtetë nuk pata asnjë problem me punksionin lumbar − bënë një punë mjaft të mirë. Zgjati rreth 10 minuta në total – shumë pak.
Pas procedurës së punksionit lumbar, mund t’ju duhet të qëndroni shtrirë gjatë gjithë pjesës së mbetur të ditës, në mënyrë që lëngu cerebrospinal të normalizohet dhe të rikuperoheni. Nëse ngriheni shumë shpejt, mund t’ju nisë një dhimbje e padurueshme koke, prandaj përpiquni të qëndroni shtrirë sa më shumë që të mundeni gjatë ditëve në vijim.
Secili prej tyre ka të bëjë me një analizë ose metodë të veçantë që përdoret për të ndihmuar në diagnostikimin e SM. Të gjitha janë shpjeguar në mënyrën më të qartë të mundshme.