Ndjesia e shtrëngimit e lidhur me SM është një lloj ndjesie ose dhembjeje jonormale, e cila shpesh përshkruhet si një ndjesi shtrëngimi rreth gjoksit.1,2 Mund të ndjehet sikur dikush po ju shtrëngon ose ju përqafon fort, prej nga vjen termi ' Ndjesia e shtrëngimit e lidhur me SM.1–3
Këto ndjenja mund të shfaqen gjithashtu në krahë, këmbë, kokë ose vetëm në njërën anë të trupit tuaj.4–6 Përveç këtyre ndjenjave të shtrëngimit, mund të keni edhe ndjesi të tjera jonormale në gjoks ose në trup (torso), si p.sh.3,4,7:
Përpara se të njihja termin ‘Ndjesia e shtrëngimit e lidhur me SM’, shpjegoja se ndihesha sikur kisha veshur një korse të padukshme që nuk mund ta hiqja!
Njëra nga miket e mia më të mira shpesh përjeton ‘ndjesinë e shtrëngimit të lidhur me SM’ kur ka një relaps dhe ajo tha se mund të jetë mjaft e dhembshme. Ajo shpesh trajtohet me steroide nëpërmjet infuzionit IV. Me sa duket, është mjaft e vështirë të marrësh frymë dhe muskujt midis brinjëve ndihen shumë të shtrënguar.
Ndjesia e shtrëngimit e lidhur me SM më ndodh vetëm gjatë relapsit. Nëse po e përjetoj këtë ndjesi, është një tregues se kam një relaps dhe duhet të kontaktoj neurologun tim.
Nëse nuk e keni ndjerë kurrë një ndjesi të shtrëngimit më parë, ajo mund të jetë mjaft alarmante, por përpiquni të mos shqetësoheni, pasi nuk është e rrezikshme dhe zakonisht nuk zgjat më shumë se disa minuta.6–8 Edhe pse për disa njerëz mund të zgjasë më shumë.4,8
Nëse keni dhembje në gjoks, duhet t’i raportoni këto te mjeku juaj për të përjashtuar kushte të tjera dhe për të folur se si t’i menaxhoni ato më së miri.4
Ndjesia e shtrëngimit e lidhur me SM shkaktohet nga spazma në muskujt e vegjël midis brinjëve.7 Kjo ndodh kur dëmtimi nervor i shkaktuar nga SM ndërpret komunikimin midis trurit dhe muskujve, gjë që mund t’ju jap muskujve të kraharorit një sinjal të pasaktë për tu shtrënguar.6,7
Kjo ndjesi mund të ndodhë vet dhe pa një shkas të dukshëm. Megjithatë, gjëra të tilla si nxehtësia, stresi, infeksioni dhe lodhja janë treguar se e sjellin atë, kështu që mund të shkaktohet nga njëri prej këtyre faktorëve.4,6,7 Simptoma të ngjashme me këtë ndjesi janë parë edhe në gjendje tjera inflamatore që shkaktojnë dëmtim të nervave në palcën kurrizore, kështu që bisedoni me mjekun tuaj në mënyrë që të përjashtohen shkaqe të tjera.2,4
Mënyrat për të lehtësuar dhembjen gjatë një shtrëngimi të lidhur me SM
Kur fillon, ka disa gjëra që mund të provoni për të ndihmuar në lehtësimin e kësaj ndjesie. Të gjithë janë të ndryshëm, kështu që mund t’ju duhet të eksperimentoni për të gjetur se cilat metoda funksionojnë më mirë për ju. Shembujt përfshijnë4,6,7:
Mënyrat për të menaxhuar ndjesinë e shtrëngimit të lidhur me SM për një kohë të gjatë
Ka gjithashtu disa hapa që mund të ndërmerrni për të ndihmuar në menaxhimin e shtrëngimit të lidhur me SM për një afat të gjatë. Këto janë gjëra që mund të bëni me kalimin e kohës në mënyrë që shtrëngimet e lidhura me SM të jenë më pak të pakëndshme dhe më të lehta për t’u përballuar6,9:
Përshkrimi i medikamenteve
Ka edhe medikamente që mjeku juaj mund t’ju përshkruajë për t’ju ndihmuar në këtë rast. Këto mund tu japin lehtësim nëse keni shtrëngime të lidhura me SM të zgjatura ose shumë të dhimbshme.9,12 Medikamentet që mund të ndihmojnë përfshijnë:
Përvoja e të gjithëve me shtrëngimin e lidhur me SM është e ndryshme, kështu që plani juaj i menaxhimit do të duhet të përshtatet për juve. Provoni disa nga këto qasje të ndryshme dhe flisni me ekipin tuaj të kujdesit shëndetësor për të gjetur atë që mund të funksionojë më mirë për ju.
Të gjitha informatat se si ta trajtoni më mirë SM tuaj, që në fillim
Këta artikuj do t’ju ndihmojnë t’i kuptoni mire simptomat tuaja, në mënyrë që të jetoni mire jetën tuaj.