Ndiheni të lodhur? Mund të jenë thjesht streset dhe sforcimet e jetës së përditshme, por mund të jetë edhe SM.1 Lodhja është një nga simptomat më të zakonshme të SM, që prek mbi 90% të njerëzve që jetojnë me SM.1,2
Lodhja e lidhur me SM mund të ndikojë te ju si fizikisht ashtu edhe mentalisht.3,4 Mund t’ju bëjë të ndiheni plotësisht të rraskapitur ose thjesht mund të ndiheni përgjithësisht të dobët ose me mungesë të energjisë.2 Lodhja mund të ndikojë gjithashtu në aftësinë tuaj për tu përqendruar, për të menduar qartë dhe për të marrë vendime (zakonisht quhet 'mjegulla e trurit').2,4
Mendja ime mund të jetë e zgjuar dhe plotësisht vigjilente, por trupi im ndihet sikur është duke vrapuar në një maratonë.
Disa ditë është mirë dhe mund të jem me energji. Ditë të tjera mund të jetë një betejë për tu motivuar dhe madje vetëm për të lëvizur. Unë kam lodhje çdo ditë, ajo ndodh vetëm në nivele të ndryshme. Për momentin, mund të punoj rreth kësaj, por ka ditë që më duhet të anuloj planet për shkak të lodhjes. Ndonjëherë më duhet të anuloj edhe udhëtime, dalje në shopping dhe me miqtë, pasi qëndrimi në dyqane më humbë shumë energji.
Përballja me lodhjen ka qenë e vështirë kur bëhet fjalë për mbajtjen e jetës shoqërore. Shpesh, jam shumë e rraskapitur për të lënë shtëpinë time dhe ka qenë një sfidë për t’i bërë njerëzit të kuptojnë se është më shumë sesa thjesht të ndihesh 'i lodhur'.
Kur kisha relapsin tim, edhe detyra më e vogël do të thoshte se kisha nevojë për një sy gjumë dhe do të flija 14-16 orë në ditë gjatë kësaj periudhe. Ende lodhem, por më duket se të qenit i zënë dhe mentalisht aktiv më ndihmon.
Lodhja më pushtonte pasi punoja vetëm gjysmë ore në kompjuter, dhe më pas më duhej të shtrihesha. Pas relapsit tim, doja të kthehesha në punë dhe kjo çoi në ciklin e punës dhe pushimit. Me reflektim, këshilla ime për të tjerët do të ishte t’i jepni vetes një pushim dhe të riktheni ritmin tuaj. Mos u mundoni të shtyni veten - do të përmirësoheni nëse i jepni vetes një pushim.
Lodhja ndahet në dy kategori kryesore, në varësi nëse është shkaktuar drejtpërdrejt nga SM (lodhja primare) ose nëse është një efekt indirekt i simptomave të tjera të SM (lodhja sekondare).5
Lodhja primare
Kjo shkaktohet drejtpërdrejt nga SM 5 Nuk dihet saktësisht se si SM ju bën të ndiheni të lodhur, por mund të jetë rezultat i dëmtimit nervor që ndërhyn në komunikimin midis trurit dhe trupit tuaj. Kjo është arsyeja pse shpesh do të përjetoni lodhje gjatë një recidive apo relapsi.7–9
Lodhja sekondare
Kjo shkaktohet nga efektet indirekte e të jetuarit me SM. Simptomat si dobësia e muskujve, depresioni, dhembja, gjumi i pamjaftueshëm, stresi dhe pasiviteti, mund të ju bëjnë të lodhur.6,7 Për shembull, nëse dhembja dhe spasticiteti ndërhyjnë në gjumin tuaj, si rezultat mund të ndiheni më të lodhur gjatë ditës.7 ,8 Disa medikamente gjithashtu kanë efekte të padëshiruara që mund ta përkeqësojnë lodhjen.5
Lodhja gjithashtu mund të ndahet në lodhje akute dhe kronike.5,7 Lodhja akute mund të vjen papritur. Zakonisht lidhet me një detyrë të caktuar që keni bërë, por zgjidhet shpejt më pastaj (p.sh. pushimi pas një shëtitjeje).7 Lodhja kronike ndodh gjatë një periudhe më të gjatë kohore dhe lidhet me sëmundje, stres dhe gjumë të pamjaftueshëm.5,7
Jeni lodhur nga të qenit i lodhur? Cilido qoftë shkaku i lodhjes suaj dhe nëse është i lehtë, mesatar apo i rëndë, ka mënyra për ta menaxhuar atë. Lexoni për të zbuluar se si.
MS mund ta shkatërrojë energjinë tënde, por jo gjithmonë duhet të ju ndalojë të jetoni jetën tuaj.7 Ka shumë mënyra për të reduktuar ndikimin që lodhja ka në jetën tuaj të përditshme, disa prej të cilave janë renditur më poshtë.
Mënyrat për të rritur energjinë tuaj
Provoni këto këshilla dhe këto truke për të ju ndihmuar të rrisni nivelet tuaja të energjisë:
Kur përjetoj lodhje, e shoh që ushtrimet e buta janë vërtet të dobishme. Gjëja më e vështirë është të ngritja nga divani, por kur ta bëni këtë, zakonisht do të ndiheni shumë më mirë për të.
Në ditët e lodhjes ekstreme, më duhet vetëm të qëndroj shumë i qetë. Ndonjëherë kthehem në shtëpi nga puna dhe nuk kam zgjidhje tjetër veçse të shtrihem në dysheme dhe të mos bëj asgjë derisa të kem energji mjaftueshëm për të menduar edhe për të bërë darkën. Unë shpesh meditoj në këto momente për një qetësi dhe pushim të qëllimshëm, gjë që më ndihmon të relaksohem dhe të rimbushem.
Këshilla dhe truke për të ndihmuar në përballimin e lodhjes
Përveç gjetjes së mënyrave për të menaxhuar nivelet tuaja të energjisë, ka gjithashtu hapa që mund të ndërmerrni për të ndihmuar në trajtimin e lodhjes:
Ndonjëherë lodhja mund të hyjë si një valë që ju përfshinë dhe ju nuk mund ta luftoni atë. Duhet ta pranosh dhe të pushosh. Pushoni për 5–10 minuta për të rimbushur shpejt bateritë tuaja. Ashtu si e lidhni telefonin tuaj në një karikues, duhet të bëni të njëjtën gjë për veten tuaj. Jepini vetes 10 minuta dhe më pas mund të ktheheni në lojë.
Mos u tregoni shumë i ashpër me veten. Lodhja është një nga simptomat kryesore të SM dhe mund të përfshijë gjithë trupin tuaj. Shpjegojuni njerëzve se kjo është një simptomë e SM dhe përpiquni t’i bëni ata të kuptojnë se si ndihet. Kjo nuk është diçka për të cilën duhet të kërkoni falje.
Unë jam përpjekur në mënyrë aktive të ndryshoj marrëdhënien me lodhjen time. Në vend që të luftoj gjithmonë dhe të përpiqem ta shtyj vetën përpara, unë përpiqem ta pranoj atë tani – pa faj. Të qëndrosh brenda sepse ndihesh shumë e lodhur për të dalë nuk duhet të jetë një gjë e keqe. Nuk ndihem më fajtore që qëndroj brenda, sepse e kuptoj më mirë atë që ka nevojë trupi im.
Medikamentet për lodhjen
Aktualisht nuk ka asnjë medikament të disponueshëm për të trajtuar në mënyrë specifike lodhjen, por mjeku juaj mund të marrë në konsideratë medikamente të përshkruara për gjendje të tjera që janë treguar gjithashtu se ndihmojnë me lodhjen 6:
Trajtimi |
Çka shërben? |
Barnat
|
|
Barnat që përdoren për të trajtuar çrregullimet e gjumit dhe që ju bëjnë të ndiheni më të zgjuar 8,13,15 |
|
Barnat që
|
|
Antidepresivët15 |
|
E gjithë informata se si ta trajtoni më mirë SM tuaj, që nga fillimi
Këta artikuj do të ju ndihmojnë t’i kuptoni mire simptomat tuaja, në mënyrë që të jetoni mire jetën tuaj.